Mótmælendakrakkar í fangelsi og Digurðar sækja meira fé án nokkurra afleiðinga.

Hvað er að þessari mynd?

En hún sýnir í raun kjarna vandans, spillingin er það þétt ofin í kerfið að það þarf að henda öllu kerfinu til að eitthvað sem nálgast réttlæti geti náð fram að ganga.

Með lögum skal land byggja, og með ólögum aftur eyða.

Í þessari gömlu setningu liggur semetrían sem sýnir hvað við höfum verið vitlaus, með því að hunsa seinni part setningarinnar höfum við flotið sofandi að feigðarósi.

Nú svömlum við um í brakinu og skiljum ekki hvernig við enduðum hér í eyðilögðu landi af ólögum sömdum á afar stuttum tíma eftir lýðveldisstofnun, trúandi því að við værum að byggja land með lögum.

Þegar á reynir eru það bara lög sumra, sem digrast og dirfast á/að ráðskast með auðlindir okkar og fólk.

Sigurður Einars er ekkert vondur maður trúi ég, bara einn af okkur sem komst í gott skjól stjórnmálamanna og nýtti sér það, að dást, öfunda og fordæma eru birtingarmyndir stolts okkar og ótta sem svo einhverjir finna farveg í ofbeldi og skemmdarverkum sem samanborið við glæpi landsherranna verða afara smálegir.

Og við rífumst.

Sigurður gerir launakröfu

Athugasemdir

[Sigurður Haraldsson, 22.1.2010 kl. 22:19]

Það er rétt þeir sem réðust að alþingi eiga ekki að vera settir inn vegna sérstakra aðstæðna sem eru í þjóðfélaginu hitt er annað mál að þessir stjórnendur eiga ekki að ganga lausir hvað þá að þeir fái krónu.

[Einhver Ágúst, 23.1.2010 kl. 12:07]

Þar er ég einmitt sammála þér en þeir virðast nú samt hafa það ágætt kallarnir, en þannig er nú bara þetta kerfi byggt upp. Því miður.