Ömmuhagfræði og ábyrgð....sumt er vissulega leiðinlegt...

 

Fyrst nokkur atriði

 

-150 þúsund krónurnar sem hafa verið reiknaðar út af meisturum X-D eru of háar og settar fram í þeim tilgangi að spinna. 

-Það er EKKI svo að okkur langi til að hækka skatta.

-Tæpir 17 milljarðar eru til á sérreikningi til að verja OR og settir þarna að kröfu kröfuhafa sem OR skuldar 200 milljarða. Að fikta í því væri óábyrgt og beinlínis hættulegt hagsmunum almennings, sumum virðist sama um það.

-Ég get ekki betur séð að það sé óánægja með okkur frá hægri og vinstri svo að við erum að rata einvherja millileið sem ég tel skynsama og réttláta. Þó að hún sé erfið.

-Við erum búin að liggja yfir þessu í marga mánuði, ekki hefur verið slegið til hendinni.

-Velferðarráð þarsem ég sit sem varaformaður ekki á sig kröfu um niðurskurð, það er gert til að vernda þá sem minnst hafa.

-Ömmuhagfræðin hjá ömmu minni var ekki alltaf skemmtileg en hún skilaði vel reknu heimili á mun erfiðar tíma en við lifum núna.

 Við erum að hegða okkur ábyrgt og finna málamiðlun milli skattahækkana og nðiurskurðar.

Við tildæmis völdum að hækka verð á skólamatnum frekar en að hakka hann í spað og eyðilegja þá þjónust sem er eflaust mörgum heimilum dýrmæt og svo ekki sé talað um börnin.

 

KV Ágúst Már Garðarsson

 

-

Skattheimta sögð auka samdrátt

Athugasemdir

[Geir Ágústsson, 1.12.2010 kl. 13:52]

Ágúst,

Mun það "skila sér" að þvinga heimili í vanskil og yfirleitt skattskylda peninga í felur? Reynsla og rök segja nei. Pólitíkusar einir segja já.

Það er vissulega erfitt fyrir stjórnmálamenn að éta þá pillu að til að mæta minnkandi tekjum þurfi fyrst og fremst að lækka útgjöld. Þetta er eina ráðið sem heimili hafa (þau geta ekki gefið út tilskipun til atvinnuveitenda að hækka laun sín, eins og Reykjavík getur og gerir).

Þú ert vissulega með langan lista af afsökunum. En annað er það ekki. 

[Einhver Ágúst, 1.12.2010 kl. 15:24]

Ok...

En jú þau gata víst gefið út tilskipun til atvinnuveitenda, það heita kjarasamningar og viðræður, þar setja menn fram kröfur um launahækkanir og beita svo þeim ráðum sem þarf til að ná þeim....

Vð höfum lækkað útgjöld afar mikið líka, um 1700 milljónir síðast þegar ég gáði og meira er framundan með fækkum ráða og nefnda og hagræðingum innan sviða. Þó má nú hrósa X-D fyrir að hafa verið afar duglega síðustu 2 ár að "skera fitu" einsog það er orðað, og nú er svo komið að það er ekki svo mikið eftir. Þó höfum við skoðað margar sársaukafullar aðgerðir og framkvæmum nokkrar.

En forsendur ykkar fyrir þessum 150 þúsundum eru laun og eignir (og fjöldi barna) sem við hin könnumst ekki við......miðað við 2 börn í skóla og leikskóla, 800 þúsund í tekjur og fasteign uppá 40 milljónir þá er þetta 4100 á mánuði á fjölskyldu...það gera 49200 á ári....hvar eru 100800 krónurnar?

Fyrst og fremst er verið að fara eins milda og blandaða leið og hægt er, mjög fljótlega mun þetta hafa áhrif til betri vegar og við getum farið að leggja meira fé í skólana aftur eða hvað sem við kjósum að byggja upp og auk þess lækka aftur útsvarið....það væri gaman.

Kv Ágúst

[Ingibjörg Guðrún Magnúsdóttir, 2.12.2010 kl. 10:13]

Varð talan ekki 167,000 þegar í enda var komið....

[Einhver Ágúst, 2.12.2010 kl. 10:36]

Jú einmitt með menningarkortum og allskyns valkvæðum atriðum sem eru ekki skattar. Auk þess að blanda Sorpu og OR í reikninginn sem eru sjálfstæð fyrirtæki með gjaldskrá fyrir vöru og þjónustu ekki skatta.

Það er spuni og klækjapólitík sem höfðar til reiði og ótta fólksins, og er á afar lágu plani.

Væri ykkur ekki þá nær að fara að reikna út hækkanir á matvöru og þjónustu á almennum markaði sem hefur farið framúr því sem eðlilegt getur talist? Og því hvernig fyrirtæki í útflutningi sem hagnast hafa á stöðunni halda aunum niðri?

Eða væri það of nærri hagsmunum flokksins?

[GunniS, 14.12.2010 kl. 18:43]

núna er hagstofan búin að gefa út niðurstöður könnunar á framfærslu og tekjum heimila, og má sá hana á heimasíðu hagtofunar www.hagstofan.is 

en í stuttu máli eru niðurstöðurnar þær að meðal tekjur eru um 206 þús og meðal útgjöld um 192 þús minnir mig. 

og auðvitað veltir maður fyrir sér hvernig fólk á að lifa af 130 þús sem eru útborgaðar atvinnuleysisbætur eftir að hefur verið tekið af þeim.

hér er copy paste af síðunni

"Neysluútgjöld á heimili árin 2007–2009 voru 456 þúsund krónur á mánuði og hækkuðu um 7,0% frá tímabilinu 2006–2008. Á sama tíma hefur meðalstærð heimilis minnkað úr 2,39 einstaklingum í 2,37 og hafa útgjöld á mann því hækkað um 7,9% og eru nú 192 þúsund krónur. Vísitala neysluverðs hækkaði um 12,0% á sama tímabili og hafa heimilisútgjöldin því dregist saman um 4,8% að teknu tilliti til verðbreytinga eða um 4,0% á mann.

Ráðstöfunartekjur meðalheimilisins í rannsókninni voru um 490 þúsund krónur á mánuði, um 206 þúsund krónur á mann. Ráðstöfunartekjur flestra hópa voru hærri en útgjöld þeirra en neysluútgjöldin voru að meðaltali um 93% af ráðstöfunartekjum"