Ekkert svo dulbúin hótun...

Þetta er eins bein hótun og stjórnmálamaður getur haft í frammí á opinberum vettvangi.

Bretum er fúlasta alvara með þessar greiðslur og munu einskis svífast og engum hlífa ef við verðum með eitthvað múður, og án þess að vera eitthvað hræddur þá verður það eitt af fáum dæmum þarsem ég mun hafa rétt fyrir mér og leiðast það mikið þegar við töpum þessu máli fyrir dómstólum og verðum látin greiða ALLAR innistæður til fulls án einhverra samninga.

Svo er annað sem ég hef verið að hugsa um, afhverju förum við ekki að fjalla um íslenska íþróttamenn einsog samninganefndina og Svarvar Gests?

Nú er tildæmis íslenska karlalandsliðið í knattspyrnu afar slakt og framferði fyrirliða þess til margra ára afar vafasamt. Ekki má hakka þá niður og gagnrýna á sama hátt og þessari aumingja samninganefnd, ef einhver hallar á þá skal hann passa sig á þjóðerniskenndinni og háðslegum svörum íþróttamannanna sjálfra samanber orðaskipti Eiðs Smár og Harðar Magnússonar um daginn.

Þetta á sér svo margar hliðstæður, ef íslenska karlalandsliðið er td í 105 sæti heimslistans og getur ekkert nema í einstaka æfingaleik, því ættum við að eiga einhverja samninganefnd í fjármálum og lögfræði sem stenst einu elsta réttarkerfi hins siðmenntaða heims snúning?

Setjum upp nokkur pör til samanburðar. Prófið að velja.

Brynjar Björn gegn Frank Lambard 

Veigar Páll gegn Rooney

Ívari Ingimars gegn John Terry

Eiður Smári gegn Steven Gerrard

Mynduð þið í einhverju tilfelli velja Íslending? Ef svo er þá eruð þið afar þjóðrækin en um leið frekar heimsk.

 

Við eigum álíka séns í þetta Icesave mál einsog Íslendingar gegn Englendingum, verst að Íslendingar hafa aldrei komist á lokamót í knattspyrnu nema kvenna enda bera Íslenskar konur nú af okkur körlunum. Englendingar eru svo að segja á öllum stórmótum og ætla sér vinning alltaf, það er krafa frekar en draumórar.

Okkar óskhyggja í þessum Icesave málum eru draumórar.

Við erum verr staddir en Skotar gegnvart Englendingum og við erum líka verri í íþróttum en skotar.

Þessi farsi hér heima minnir mig alltaf meira og meira á myndina yndislegu The mouse that roared með Peter sellers.

 

 

Icesave-samkomulag mikilvægt

Athugasemdir

[Baldur (IP-tala skráð) 4.1.2010 kl. 12:31]

Skemmtilegt.  Ég get þó sagt þér sem gamall íþróttamaður og hvert og eitt einasta íslenskt keppnislið myndi mæta sem grenjandi Ljón gegn Bretum.  Liðin myndu berjast, gera sitt allra besta en ekki girða niður um sig buxurnar eins og samninganefnd Svavars.  Þannig að í ÖLLUM tilfellum myndi maður óska eftir öðru tækifærii á að ná betri samningum, amk reyna enda hafa óvæntir hlutir gerst.  (reyndar er ég viss um að rétturinn sé okkar megin)

[Einhver Ágúst, 4.1.2010 kl. 12:42]

Já einsog þarna í bobsleðamyndinni um liðið frá Jamíka? Sem reyndar gat ekkert í alvörunni.

Já og til að "berjast" við samningaborð dugir lítið að grenja einsog ljón, bretar eru jú með 3 ljón á skjaldarmerki sínu svo eitt grenjandi ljón gerir nú lítið.

Með afar Íslenskum gleraugum er eflaust hægt að sjá okkar málstað, sem dæmi beiting hryðjuverkalaga, en málið með hryðjuverkalög og önnur slík tótalitarian lög er að þeim má beita án réttlætingar og þessvegna eru þau stórvarasöm en afar dýrmæt nýlenduþjóðum nútímans. Obama og Brown hafa mikið talað um New world order í nýjustu ræðum sínum.

Sorrí Baldur minn ég veit þú meinar vel og trúir þessu eflaust líka, en við eigum engann séns.

Sagan endurtekur sig.

Og maður "reynir" ekki að synda. Sá sem reynir að synda er að drukkna, alveg sama hvað hann skilur vel eðli vatns og flothæfileika sjálfs síns.

Maður annaðhvort syndir eða drukknar.

Það lærði ég með því að drukkna næstum í skólaferðalagi þegar ég var 6-7 ára, þetta virtist auðvelt. 20 mínútum síðar eftir nær drukknunar upplifun skildi ég vatn og hættur þess betur.

Eina leiðin okkar til að vinna þessa deilu er að Bretar myndu sættast á að láta útkomuna velta á handboltaleik milli Englands og Íslands og þarmeð væru örlög okkar í höndum allt annars Ólafs.

[Baldur (IP-tala skráð) 4.1.2010 kl. 15:02]

Hahahahaha gott svar.  Við erum samt ósammála ég tel okkur eiga séns, en þú ert skemmtilegur.

[Einhver Ágúst, 5.1.2010 kl. 09:31]

Sömuleiðis takk Baldur, svona á að gera þetta, vera ekkert endilega sammála en virða hvorn annan og bulla soldið svo þetta sé nú allaveganna skemmtilegt.

Töpum ekki húmornum, blönk þjóð þarf á honum að halda.