Handtekinn í fangaklefa....

Mikið asskoti er það fyndið að handtaka einhvern í fangaklefa, svona er nú tæknin mögnuð í dag, menn bara á facebook að smygla dópi og dúlla sér.....

Stórfellt smyglmál rannsakað

Athugasemdir

[enginn (IP-tala skráð) 9.6.2009 kl. 13:22]

Ef maður er handtekinn í fangaklefa, er maður þá fluttur í minni klefa inn af hinum?

[Einhver Ágúst, 9.6.2009 kl. 13:25]

Nei þeir byggja nýjan klefa inní þinn, svona einsog á kvikmyndasetti.....og það er ekkert vatn með brauðinu þínu.

[Gamli maðurinn og hafið (IP-tala skráð) 9.6.2009 kl. 13:33]

Hvernig er þetta með fanga á Íslandi.  Þeir eru í lúxusvistarverum með síma, sjónvarpi, tölvu og nettengingu.  Fá fríar máltíðir oft á dag, fría læknis- tannlæknis, sálfræðiþjónustu, vasapeninga, ókeypis líkamsrækt, og svo reglulega helgarleyfi frá fangelsinu.  Allt á kostnað skattborgarinnar. 

Fangar hafa það betur en gamalt fólk á elliheimilum, en gamla fólki þarf þar að auki að borga allt sjálft úr eigin vasa.

Svo geta fangarnir bara fari á netið í fangaklefa sínum og pantað sér dóp eins og ekkert sé.  Hvað er í gangi hér á landi?

[Solla Bolla (IP-tala skráð) 9.6.2009 kl. 14:42]

Gamli maður !!!

Fangelsi á  Íslandi er ekki lúxus, en fangelsi eru á Íslandi hugsuð sem betrunarvist ekki refsivist.

Í fangelsum er ekkert internet, jú fangar meiga vera með tölvur t.d til að spila tölvuleiki skrifa bækur, ljóð eða hvað sem þeim dettur í hug en ekkert internet. Hitt er annað mál að eftir að netpungarnir komu á Íslandi hefur verið eitthvað um það að fólk smygli þeim inn í fangelsin. Þeir fá ekki vasapeninga þeir þurfa að vinna átta tíma á dag og fá u.m.þ.b 200 kr á tímann það á að duga þeim fyrir sígarettum og að kaupa aðra hluti í sjoppunni s.s sælgæti og gos.

Fangar fá heldur ekki ókeypis sálfræðiaðstoð í fangelsum, ekki nema að þeir hafi kannski reynt að skaða sjálfan sig þá er kallaður til geðlæknir, en þeir geta ekki fengið sálfræðing til þess að ræða harmsögur úr æskunni. Það starfa 2 sálfræðingar hjá Fangelsismálastofnun og þeirra hlutverk er meira að ræða  við fjölskyldur "venjulegra einstaklinga " þá er ég að meina ef að venjulegur fjölskyldufaðir í góðri vinnu t.d banar óvart manni með einu höfuðhöggi á einhverju balli, maður sem hefur aldrei komist í kast við lögin og ætlaði í raun aldrei að valda þvílíkum skaða og fjölskyldan er í áfalli sem og gerandi. í svona tilfellum getur fangi og fjölskylda fengið 1-2 viðtöl hjá sálfræðingi Fangelsismálastofnunnar áður en afplánun hefst.

Hitt er annað mál að fangar eiga rétt á að fá heimsóknir og auðvitað geta þeir lagt á ráðin að smygla inn fíkniefnum á heimsóknartímum .

Fangelsi er ekki lúxus, ég held að sama í hvaða aðstæðum þú situr inni þá er frelsissvipting ávallt átakanleg.

Og að vera handtekin í fangaklefa þá ertu handtekinn, færður í einangrun og svo til yfirheyrslu.

Finnst betrunarvist á Íslandi vera nánast gallalaus en dómar eru jú þó oft ekki eins langir og þeir mættu vera. Held að það væri ekkert betra að vera með hardcore brasilískt fangelsi á Íslandi, menn kæmu 5-falt verri út en þeir færu inn.

[Einhver Ágúst, 9.6.2009 kl. 17:36]

Vel gert Solla, en þetta er óneitanlega soldið fyndið.

[itg (IP-tala skráð) 9.6.2009 kl. 18:35]

Sé að þú ert inni í þessu Solla.

Enn mætti ekki taka völdin fyrr af einstaklingum ( svipting sjálfræðis ) til að fækka föngum?

[Einhver Ágúst, 9.6.2009 kl. 18:56]

Sæl öll og takk fyrir athugasemdirnar, hér er færsla með minni tillögu um þessi mál.

http://gustichef.blog.is/blog/gustichef/entry/888654