Breiðvíkursyndrome?

Þetta eru vissulega skelfilegar tölur og ótrúlegt að heyra fagmenn hafa þau orð um þetta að það komi sér á óvart, vita þeir ekki hvað þeir eru að gera?

Mér sýnist við þarna vera að eiga við sama vandamál og skapaði Breiðavíkurmálið á sínum tíma en með tilheyrandi þöggun og pukri tók það mál um 40 ár þangað til forsætisráðherra baðst afsökunar nú fyrir stuttu, afsökunar á að ákveðnum hópi drengja hafði verið mismunað og misþyrmt.

Í dag fá drengir með samskonar hegðunarvandamál gjarnan rítalín eða önnur skyld efni til að slá á einkenni ofvirkni og hvatvísi sinnar, vissulega vel meint að berja þessa drengi ekki lengur en það sem er að skapast í staðinn getur ekki varið kallað annað en faraldur.

 Rítalín er í stórauknum mæli að verða eitt versta eiturlyf þjóðarinnar, eiturlyf sem gengur kaupum og sölum og í þeim hópi sem misnotar það sem er nú reyndar fyrir tilviljun samansettur að miklum hluta af "vanræðadrengjum" tíðkast gríðarlegt ofbeldi, glæpir og gríðarleg veikindi. Ekkert lyf hef ég séð sem gengur frá mönnum jafn hratt og rítalín, og þá tek ég inní myndina heróín og önnur sterk eiturlyf. Ofbeldi og ranghugmyndir eru fylgifiskur þessarar neyslu og dag hvern þakka ég serstaklega fyrir að hafa ekki alist upp á tímum þarsem ofvirkum drengjum með athyglisbrest eru gefin lyf ensog rítalín, þá hefði ekki þurft að spyrja að leikslokum fyrir mig.

En ekki heyrir maður um þetta neins staðar, í gær, bara í gær hitti ég tvo menn á förnum vegi sem hafa orðið þessu lyfi að bráð, þeir ráfa um bæinn fárveikir og leita að "lausninni", ungur drengur var nýverið dæmdur í 5 ára fangelsi fyrir að stinga bróður sinn og alla daga horfi ég uppá þessa hræðilegu veröld sem þessum mönnum hefur verið búin af þessu töfraalyfi.

Þetta er niðursoðin hraðlausn sem ekki virkar, að gefa hópi sem til að byrja með er í áhættu vegna alkóhólisma fíknivekjandi lyf er bara alveg hryllileg hugmynd og þegar lyfið er svo að sýna sig að vera eitt mest fíknivekjandi lyf sem um getur verður að grípa í taumana.

ÉG skora á fólk að fræðast, ræða málin og gera eitthvað í þessum faraldri áður en það er of seint að einhver biðjist afsökunar eftir 25 ár mun ekki gera neinum gagn sem dauður er eða hefur drepið einhvern undir áhrifum.

Að beita þessum lyfjum til að losna við vanræðagemsa er alveg eins vont og jafnvel verra en að senda menn í sveit þarsem þeir eru beittir ofbeldi.

Mikill kynjamunur á lyfjatöku

Athugasemdir

[Ingibjörg Friðriksdóttir, 18.3.2009 kl. 12:42]

Jæja, alltaf í boltanum?

Þetta er ekki svona einfalt Gústi minn.  Dæmin geta líka sannað annað. þeir sem þú ert að horfa upp á hafa kannski alist upp við mikla óreglu, ekki verið fylgt eftir og fengið að stjórna inntökunni sjálfir eða sjálf.  Miklar rannsóknir hafa verið gerðar í Bandaríkjunum sem sanna að yfirfull fangelsin eru glæpamenn sem enga hjálp fengu í æsku.  Það er talið að 70% þeirra sem greinast með ofvirkni og athyglibrest lendi á villigötum sem er 40% meira en þeir sem fá hjálp með t.d. rítalíni eða conserta sem meira er notað í dag.

Þetta er byggt á 60 ára gamalli víðtækari rannsókn.

Til að einfalda dæmið þá getum við sagt að 3 af hverjum 10 sleppa án sértækrar meðferðar og tel ég undirritaða í þeim hópi, (samt ekki án erfiðleika) En 7 ómeðhöndlaðir lenda í meiriháttar vandræðum.

Ef þessir 7 hefðu verið meðhöndlaðir, þá hefði talan farið niður í 3.  Þú ert kannski að sjá þessa þrjá og það er auðvitað þremur of mikið.

Athyglisbrestur og ofvirkni er mjög ættgengt, þannig að ef þessir krakkar sem verið er að greina í dag, búa hjá einu eða tveimur foreldrum með þetta sama, þá er hættan sú að allt sé í messi á heimilinu og engin regla sem hjálpar.

Ég gæti haldið lengi áfram, en hef ekki tíma. Maður hefur nóg á sinni könnu eins og kerlingin sagði.

Ömmukveðjru úr Sogamýrinni.

[Einhver Ágúst, 18.3.2009 kl. 22:28]

ég er svo þakklátur að það tókst ekki að setja mig á sterkasta fíkniefni sem í boði er í heiminum í dag.......og fólk er að drepa fyrir þetta, hengja sig og skilja börnin sín eftir.....ekkert, ég endurtek ekkert fíkniefni er meira vandamál á íslandi í dag.

[Ingibjörg Friðriksdóttir, 18.3.2009 kl. 22:37]

Skil hvað þú ert að segja, en hvað með það sem ég er að segja þér? Skv. rannsóknum bjargast fleiri sem eru meðhöndlaðir með rítalíni en þeir sem ekki fá neina hjálp.  Það eru alltaf einhverjir sem misnota allt sem þeir koma nálægt.  Það er hörmulegt.  En kommentið mitt stendur, það sem gerir gæfumunin í flestum tilfellum er utanumhald og umhyggja barna og unglinga með athyglibrest og ofvirkni og í mörgum tilfellum með lyfjahjálp svo þeir geti nýtt sér greind þá er Guð þeim gaf.  En eins og ég sagði áður þá eru alltaf þessir þrír sem fara yfirum

[Ingibjörg Friðriksdóttir, 18.3.2009 kl. 22:39]

Annars Góða nótt góði, ég er farin að sofa.