Áður en þið tryllist....

Spyrjum okkur sjálf hvort þetta séu virkilega fréttir, eða bara það sem við vissum öll þegar við gengnum til kosninga með orð Steingrím J um að væntanlega væri það versta afstaðið.

Ég vissi alveg betur, alla mína tíð hefur verið basl að reka Ísland og þá segir það sig sjálft að eftir svona áfall verður það hrikalegt basl og höggin verða þung.

En vissulega fara þau ekki að segja okkur það fyrir kosningar, slík bjartsýni er barnaleg, það væri einsog að ætlast til að glæpamenn yrðu allir heiðarlegir eða að trúa litlu barni fyrir ársbirgðunum sínum af nammi. Og varla treystið þið þjóni á veitingastað sem ekki getur mælt með matnum og treystir sér ekki að lofa hvað eitthvað kostar, við viljum þjón sem lofar öllu fögru.

Niðurskurðirnir sem framundan eru verða sársaukafullir og munu valda mikilli reiði, þessir stjórnarflokkar munu ekki jafna sig á þeim óvinsældum sem af því munu leiða í tugi ára og bíða svo að sjálfsögðu afhroð í næstu kosningum.

Stundum er snjallt að standa bara á hliðarlínunni og bera litla ábyrgð, það vissu held ég sjálfstæðismenn þegar þeir stilltu upp Bjarna Ben sem einhversskonar leiðtoga.

En aftur að kjarnanum, þarf þetta að koma okkur á óvart? Við hleyptum klárunum á skeið og margir duttu af baki, nú er allt stóðið fælt og taugaveiklað og hvergi góða haga að sjá.....þá kemur reiðin.

Þetta verður skrítið haust.

Forsætisráðherra: Erfiðleikarnir eru meiri en búist var við

Athugasemdir

[Freyr (IP-tala skráð) 3.6.2009 kl. 10:37]

Já, en þetta fólk virðist gjörsamlega úr takti við atvinnulífið sem nú blæðir út og hættir að skila tekjum í kassann.  Þá er úti um ríkið hvort eð er.

[Ingibjörg Friðriksdóttir, 3.6.2009 kl. 15:49]

Ef rétt er að staðið, þá ætti að vera hægt að upplýsa kjósendur um það að systurnar orsök og afleiðing haldast oft í hendur.  En við verðum að aðskilja stjórnmálaflokkana.

Sjallavallarnir og Framsókn ollu vandræðunum sem VG og Samfylking eiga við að stríða núna.

Vonandi ber okkur gæfa til að gleyma því aldrei!