Gremjufylgisflakk...

Þetta er að verða svo viðkvæmt þetta pólitíska landslag, einstök mál eru tekin fyrir og valda því hvað fólk kýs, það er svakalega undarleg pólitísk sannfæring í mínum huga að færa atkvæði sitt yfir til Sjálfstæðis og Framsóknar vegna óánægju með flokka sem maður kaus fyrir 2 mánuðum.

En svona er þetta víst, og svo það sé tekið fram er ég ekkert minna en steinhissa á tæplega 60% kjósenda sem eyða atkvæði sínu á Samfylkingu og Sjálfstæðisflokk eftir allt sem þau hafa orðið uppvís af, þannig að ég er greinilega undarlegur með eindæmum.

En að vilja gefa þessum flokkum ásamt Framsókn atkvæði sitt er einsog að finnast allt í þessu fína að setja barn undir stýru á fullri rútu í mínum huga. Þeim er ekki sjálfrátt og það á sagan að hafa kennt okkur nú síðast vorum við minnt á það í gær með lánabókum Kaupthings og risakúlulánum hjónanna í hafnafirði ásamt því sem er í raun merkilegast að lögfræðingurin sem lét fella lánin úr persónulegri ábyrgð er ennþá í vinnu hjá ríkinu.

Tugmilljarða svindl og svínarí og svo bara föst vinna..........

Fylgi stjórnarflokkanna minnkar

Athugasemdir

[Ingibjörg Friðriksdóttir, 1.7.2009 kl. 23:48]

Já, þægileg innivinna er þetta kallað.

Mér leiðist þegar þú ert með þetta röfl út í Samfylkinguna.  Auðvitað hafa þeir sofið á verðinum og kannski eitthvað þaðan af verra.  Ég vil sjá viðskiptareikninga allra stjórnarliða.  Ég er næstum viss um að ýmist gruggugt kæmi þar í ljós.  Af hverju er t.d. ekki búið að frysta eigur sumra.  Skyldu fleiri þigmenn eða makar hafa fengið svokallað kúlulán? 

Það  er með ólíkindum þessi seinagangu.  Ég er´orðin svo óþreyjufull að það nálgast bilun.  Spurning hvort ég ætti að taka mig til og tala við þetta lið með tveimur hrútshornum.

[Hlín sys. (IP-tala skráð) 8.7.2009 kl. 09:35]

Er ritstífla í gangi........