Er Álfheiður bakarinn?

Sem á að hengja fyrir dópsala og handrukkara?

Fáfræði þeirra sem ekki voru þarna er takmarkalaus....en þeir virðast vita allt og byggja það á einu viðtali við umboðsmann Lögreglumanna, nú harma ég að fantar og glæpamenn hafi nýtt sér mín mótmæli til að koma höggi á Lögreglumenn en einnig stóð ég í hringnum um Alþingi daginn eftir og tók margoft þátt í díalógnum milli okkar mótmælenda og lögreglu.

Það sýndi sig að alltaf þegar hann var í gangi gékk allt einsog best var á kosið, þá ábyrgð tók ég alvarlega því ég skynjaði ógnina og hættuna allt frá því ég stöðvaði lögreglumann í að hrinda harkalega aldraðri konu í Alþingisgarðinum í byrjun alls á þriðjudeginum þartil ég kvaddi mótmælin á Laugardeginum og fór uppí sveit hálfgáttaður eftir undarlega daga í Janúar.

Táragas, ofbeldi á báða bóga og jafnvel meiðsl í báðum hópum, öfgafullar skoðanir margra sem heima sátu munu aldrei breyta því að það sem gerðist var nauðsynlegt, það þurfti að koma þessari stjórn frá með handafli því miður og allflestir lögregluþjónar sem ég tala við eru því sammála, ég öfundaði þá aldrei að standa þarna og verja fók sem hafði rústað landinu okkar algjörlega.

Að nokkrir lögreglumenn hafi slasast þykir mér leitt en það sem gerðist á miðvikudagskvöldið hefið mátt forðast einfaldlega með smá reynslu og betri taktík en ástandið þá var ekki einsog í mótmælum heldur í óeirðum og þeir 3 lögrteglumenn sem tóku á móti okkur við Alþingi brugðust full snögglega við, hefði reynst þeim betra að bíða eftir aðstoð, auk þess að úr áttinni frá Hjálpræðishernum birtist skyndilega hópur glæpamanna sem réðst gegn þeim með ofbeldi án þess að vita á nokkurn hátt hverju verið væri að mótmæla, það sá ég með eigin augum, þar var Álfheiði hvergi að sjá.

En þessi nornaveiði á Álfheiði er alveg makalaus og mun kannski rústa hennar pólitíska ferli ef áfram heldur, en svo það sé tekið fram þá fékk ég engin fundarboð um mótmæli, engin SMS og hef aldrei kosið VG né tekið þátt í þeirra starfi.

Svo hér er einn sem réttir upp hönd henni til varnar, alveg óviðkomandi hvort ég sé henni sammála eður ei.

Við gerðum það sem þurfti að gera