Áfengisglæpir

Nú er kominn tími á að leggja áfengi að jöfnu við önnur eiturlyf eða hvað?

Hér verður almenn réttlát reiði útí allt og alla sem koma nálægt "ólöglegum" eiturlyfjum, þegar staðreyndin er sú að stór hópur almennings drekkur áfengi og keyrir, og að áfengi almennt eins yndilegt og það getur nú verið veldur miklu tjóni í samfélaginu.

Ekki misskilja mig ég hef ekkert á móti áfengi sem slíku, mér finnst bara skrítið að eitt eiturlyf hafi svon betri réttarstöðu gegn öðru og að í löngu töpuðu stríði gegn eiturlyfjum sé myndað neðanjarðarhegkerfi sem nærist á glæpum og ofbeldi.

Þurfum við ekki að hugsa hlutina uppá nýtt í þessum efnum?

Hugsanir mínar og fyllsta samúð fara svo til barna mannsins sem missti líf sitt og annara aðstandenda, sem og ógæfumannsins sem olli þessu slysi að því er virðist.

 

Grunur um ölvun í banaslysi

Hvað er í F-ing gangi!!

Hver jarðskjálftinn á fætur öðrum og ég finn ekkert? Skrítið, ég sem er allra jafna á nálum yfir þessum skjálftum og hef hlaupið allsber fram á stigagang einu sinni.

Eitthvað er maður að átta sig á að það er lítið hægt að "gera" í þessum ósköpum, það er náttúran sem ræður för, hvað sem sjálfstæðismenn kunna svo að segja um það....varð að koma þeim að.

Vona bara okkar allra vegna að þetta sé ekki upphafið að suðurlandskjálftanum mikla með tilheyrandi eldgosum og látum, AGS eru örugglega sammála mér um að við höfum sko ekki efni á svoleiðis við núverandi aðstæður.

En kannski hristir þetta okkur bara saman.

 

Enn skelfur jörðin

Bara eðlilegt sumarverð

Er þetta ekki árlegur viðburður að hækka bensínverð á sumrin, sé ekki mikið nýtt í þessu nema kannski að ríkið er að taka peninginn í stað olíufélaganna spilltu sem skipta um nafn til að bæta ímyndina.

Þá er að sjálfsögðu viðeigandi að byrja á fyrstu ferðahelgi sumarsins er það ekki?

Ríkið þyrfti kannski að fara alla leið með þetta? Fá einhverja auglýsingastofu til að finna nýtt nafn og láta sem ekkert hafi gerst.....

Bensínlítrinn í 181 krónu

Hunsaðir í Eyrargrund í Austurhamri

Vita þessir menn ekki að við þýðum staðarheitin þeirra af kotgæfni og höfum sent þeim margann glaðninginn?  Svosem Egil Skallagrímsson og svo okkur hina sem á eftir komu.....

Særandi segi ég bara, mjög særandi.

 

Slepptu íslenska fánanum

Við erum ekkert alslæm þá?

Gott að sjá að við erum að rétta úr kútnum ímyndarlega gagnvart þeim sem við höfum rænt.

Smekklega gert.

Fá allt greitt til baka

Óttinn

Gríðarlega finn ég til með þessum gamla manni sem beittur var ofbeldi af sjúkum ungum drengjum, en heimska þeirra varð þeim sem betur fer að falli og þeir ræna ekki gamalmenni í bráð.

Einhver þeirra nafngreindi hinn í miðjum klíðum svo að ekki var erftt fyrir lögregluna að finna drengina með hið mjög svo sjaldgæfa gælunafn "Marri" og mjög greinargóða lýsingu á hinum, snnkallaðir Gísli, Eiríkur og Helgi þarna á ferð, enda kannabisið ansi slævandi til lengdar og veldur því að heilinn hægir á sér.

En að óttanum og umfjöllun almennt um að við verðum að verða meira "erlendis" og vör um okkur.

Það tel ég hreinlega rangt, því að með íslenska vatninu sem við viljum ekki menga væntanlega er þarna annar fallegur hlutur sem ekki tti að menga, það er bláeygt sakleysi okkar íslendinga, sakleysi sem gerir okkur að þeirri þjóð í heiminum með hvað lægsta glæpatíðni, lítið ofbeldi og almennt frekar fallegt samfélag. Við skulum ekki gleyma þessu í fárinu.

 

Ótti er vondur húsbóndi gott fólk, en já förum varlega og hugsum um hvort annað.

Óttinn veldur því samt að fók vopnast einangrar sig og hörmulegir atburðir sem þessi. og er ég þá ekkert að gera lítið úr þjáningu þessa manns, stigmagnast og verða verri.

Ótti er líka söluvara óprúttinna fyrirtækja og fjölmiðla, stígum varlega niður því að þrátt fyrir slæm einstök dæmi sem þessi þá er nú samt sem áður afar öruggt að lifa á þessu blessaða landi okkar.

Eigið þið fallegann dag og góða Hvítasunnu...hvað sem það þýðir

Þriðji maðurinn handtekinn

Takk fyrir

Þetta er ég gríðarlega þakklátur fyrir sem foreldri í þessu hverfi, hraðinn hér í kringum Hús Alþýðunnar er algjörlega glæpsamlegur. Hér er yndislegur garður í miðjunni en allt um kring svoleiðis geðsjúk umferð að maður veigrar sér viða hleypa drengjunum út.

 

 

Á hraðferð eftir Sóleyjargötu

Alltaf að grína bara?

Voðalega eru menn viðkvæmir, ég ætla nú að vona að bæði sjómenn og lögreglumenn hafi haft húmor fyrir þessu, þó að vissulega sé aðgerð lögreglunnar réttmæt þá er nú allt í lagi að gera smá grín að þeim. 

Það er ekki einsog þeir séu ósnertanlegir snillingar frekar en við hinir landsmennirnir á þessu kolrugaða landi okkar. Minni á að ekki fyrir svo löngu reyndi lögreglustjórinn okkar smávaxni að skreyta sig með stolnum fjöðrum þegar Sirtaki skútan var tekin fyrir austan, talaði fjálglega um margra mánaða lögregluvinnu og rannsókn þegar staðreyndin var að skipstjóri á fiskiskipi tilkynnti um ferði skútunnar og lögreglan var hreinlega heppin að ná gaurunum  á bíl nokkuð eftir löndun varningsins, sem krimmarnir að sjálfsögðu vissu ekkert hvað var.

En vonandi verður gerður góður matur úr þessum skötusel, er það ekki aðalatriðið?

Sem kokkur sé ég fyrir mér á matseðlinu "Böstaður Skötuselur með hvítu dufti, hass-elbach kartöflum og grænum jurtum úr íslenskum gróðurhúsum"

 

Sérsveitin tók á móti skötuselsveiðimönnum

Frábær fótbolti

Vá hvað Barcelona verðskulduðu þetta. dvergarnir þrír léku sér í reitabolta með United, einsog Fergusson sagði áðann "þú mátt ekki láta þá hafa boltann þá halda þeir honum allt kvöldið" og Puyol var tröllið sem ekki bara tamdi Ronaldo heldur skaust líka upp kantinn og ógnaði marki MU-ara.

Frábært!!

Barcelona Evrópumeistari

Kannski hefur lögreglan á Patreksfirði verið send út

Heimilisfangið er allavegann pínu ruglandi, gæti það verið að útkallið hafi verið sent vestur?

Efast nú samt stórlega að Geir Jón myndi ljúga vísvitandi þekki hann ekki af slíku, en oft sýnist mér hann vera fenginn til að segja þeirra útgáfu, þá er væntanlega logið að honum. Enda enginn betri til aðsegja satt.

Eða er þetta kannski allt sjálfstæðisflokknum að kenna? Þeir eru nú svo tengdir neyðarlínunni.

Biðu í 30-40 mínútur eftir lögreglu