Og hvað næst?

Nærveru "friðargæslusveita" NATO og Bandaríkjahers er ekki óskað og fólk þessa lands verður að fá að heyja sín eigin stríð og borgaróeirðir þartil lýðræði og stjórnarkerfi  verður einsog Afganir vilja sjálfir hafa það.

Okkur er ekki stætt á að þröngva uppá þau okkar lífsmynstri og skoðunum með hervaldi auk þess að viðvera okkar þarna helgast af bráðum 40 ára olíustríði mikið meira en einhverri göfugri leið til að kristna lýðinn og koma á umbótum.

Finnst hinum almenna íslendingi í lagi að synir okkar og dætur séu þarna í lífshættu við að drepa borgara Afganistan? Er eitthvað í okkar stjórnarskrá sem réttlætir það?

Mér er ekki kunnugt um það.

Vissulega er sannleikskorn í stríð fyrir friði orðaleik Obama forseta en það þýðir þá að fólk viðkomandi lands heyjar stríð og stendur í átökum um málefni, völd og auðlindir, ekki innrásarher sem ber fyrir sig einhversskonar árás til að verja eigið land.

Ef einhver skilur mig þannig að ég styðji sjálfsvígárásir eða öfgamenn almennt þá leiðréttist sá misskilnigur hérmeð, og ég hef ekkert á móti gyðingum heldur né öðrum trúar-, kynþátta- eða kynferðishópum. Fólk er fólk alveg samahvað það trúir á, hvernig hörund þess er eða hvernig það hagar kynlífi sínu og allflest fólk sem ég hef hitt er frábært á sinn hátt.

En Ríkisstjórn landsins ætti að gera sitt ítrasta til að draga okkur útúr öllumn átökum og stríðum sem við tökum þátt í til að verja okkar uppskrúfaða lifistandard, það er í raun lausnin á alheimshungri og misskiptingu þessa heims að leggja niður heri og hergagnaframleiðslu og eyða þeim peningum í hjálparstarf og matvælaframleiðslu svo öll börn heimslins geti unað sér vel með mat í maga og foreldra á lífi.

They say I am a dreamer....

Hafa náð tökum á talibönunum

Athugasemdir

[Brynjar Björnsson (IP-tala skráð) 18.1.2010 kl. 14:56]

En hvað ef t.a.m. NATO ákveði að leggja niður vopn sín og hætta öllum hernaði? Ætli Kínverjar, Rússar eða nú Talibanar (engin tilraun til að setja þessa undir sama hatt) myndu fylgja eftir... eða nýta sér færið á heimshluta með aðrar skoðanir ein þeirra eigin með enga leið til að verja sig? Og ef maður snéri þessari hugsun yfir á þeirra heimsluta; gagnkvæm tortryggni held ég komi í veg fyrir almenna afvopnun og stöðvun á hernaði.

Ekki nema einhver yfirgnæfandi utanaðkomandi hætta ætti sér stað, sem gæti sameinað okkur. En jafnvel þá væri dæmið þannig að við höfum einhvern óvin, náttúrulegan eða annars eðlis, til að berjast gegn.

"Well, we like war!" - George Carlin.

Ég er kannski of svartsýnn, en persónulega held ég að það sé, eins og stendur, lítil von á nokkurs konar alheimsfriði.

[Einhver Ágúst, 19.1.2010 kl. 08:04]

Hjá mér er friður...

[Einhver Ágúst, 19.1.2010 kl. 13:09]

Og mér er alveg sma þannig hvað NATO gerir, vill bara að við sem Íslendingar tökum ekki þátt í því.